أخبار عاجلة

تركي آل شيخ يوجه رسالة غامضة

تركي آل شيخ يوجه رسالة غامضة
كـــتب : الإثنين - 11 فبراير 2019 - 12:20 ص

وجه المستشار تركي آل الشيخ رئيس الهيئة العامة للترفيه بالمملكة العربية السعودية ورئيس الاتحاد العربي لكرة القدم، رسالة غامضة عبر حسابه الشخصي على موقع التعواصل الاجتماعي "فيسبوك"، حيث لم يفسر مالك نادي بيراميدز من المقصود بهذه الرسالة.

وكتب آل الشيخ على صفحته الرسمية:"كالعادة استخبى وصدر الدوبلير !".

الجدير بالذكر إن تركي آل الشيخ شن هجومًأ عنيفُأ على مجلس إدارة الأهلي برئاسة محمود الخطيب بسبب البيان الذي أصدروه وتضمن عدة بنود من بينها مقاطععة البطولة العربية بسبب إساءة رئيس الاتحاد العربي لمجلس الإدارة ورئيس النادي، حيث كتب رئيس الاتحاد العربي على صفحته الشخصية :""هوا ماشاء الله لسى فاييقن إن فيه هجوم وإساءة ليكم من رئيس الاتحاد العربي، ولى لما قلت في لقاء تلفزيوني إني من كام يوم إني بفكر أستقيل من الاتحاد العربي فحبيتو كالعادة تاخذو اللقطة وتطلعو أبطال قدام الجمهور وتلعبو على نغمة إحنا اللي مشيناه»

وأضاف: "وكمان مش دي البطولة اللي لعبت فيها كذا مباراة قبل كده وطلعت؟.. وهوا إنت شاركت عشاني ولا عشان مصر وعشان الجايزة اللي بـ8 مليون دولار؟.. وبعدين لما عرفتوا إن اتحاد الكرة حيأجل الماتش وده حق مشروع لبيراميدز رحتوا عاملين بطوله ومنزلينها في بيانكم، وكأنه مخرج ليكم؟! عشان مايبانش إن اتحاد الكورة أخذ القرار العادل! وكمان عاوز أسأل هوا ماتشنا معاكم كان من غير جمهور الدور الأول.. يبقى من حقنا الماتش التاني يبقى بدون جمهور وده الحق الطبيعي اللي لينا".

وواصل: "وأنا بسأل للمرة المليون وقدام الجمهور الآن فين قرار قبول الاستقالة من الرياسة الشرفية؟! ومين اللي خايف يواجه؟ أنا اللي طالبت إن الماتش يكون كاس وبنفس التاريخ واتنبح صوتي من 10 أيام بكده.. ومين اللي عاوز يأجل ماتش الزمالك؟".

وتابع: "بعدين أنا بستغرب.. أخاف ليه وأنا فايز بـ2.. وجون من السعيد وجون من أوفر من السعيد؟ لاعب منتخب مصر اللي اتدفع قيمته 3 مرات واللي بتحارب فيه واللي رميت بكل الذوق والمبادئ ورحت تشتكيه على الفيفا وعلى الأهلي السعودي اللي منه الأمير المرحوم عبدالله الفيصل الرئيس الفخري واللي فيه صالة باسمه في النادي!".

واختتم: "أنا فهمت الفيلم اللي كنت بتعمله بس فهمته للأسف متأخر.. إن الهدف إحراق صورتي وكسب بطولة زايفه قدام الجمهور.. الله يرحمك يا صالح سليم ...!".

يذكر إن العامري فاروق نائب رئيس النادي الأهلي خرج بتصريحات منذ قليل في برنامج نمبر وان يؤكد خلالها إن مجلس إدارة الأهلي يلتزم الهدوء طوال الفترة الماضية، تجنبًا لأي فتنة دعمًا لمصر ولمؤسساتها خاصة أننا مقبلون على تنظيم بطولة الأمم الإفريقية، ولم يخرج أي ممثل عن مجلس إدارة النادي بتصريحات مسيئة لأي أحد طيلة الأشهر الأخيرة، مشددًا على إن أن البعض لا يعلم قيمة الشخصيات التي تتواجد في مجلس الإدارة.

وأوضح نائب رئيس الأهلي إنهم يرفضون استبدال مواجهة بيراميدز الخاصة بالدوري، لتكون هي مواجهة الكأس.