رئيس الزمالك: ياسر إبراهيم هيدمر الأهلي.. ورفضته لهذا السبب

تحرير : سعد الدين محمود

٠٨ يناير ٢٠١٩ - ٠٢:٠٤ ص

 علق رئيس نادي الزمالك، على صفقة انتقال ياسر إبراهيم من سموحة للأهلي، مساء الاثنين،  قائلًا: «قسم بالله لو عايز أجيب ياسر إبراهيم و وأبوه وأمه الزمالك كنت هجيبهم، لكن أنا اللي مش عايز».

ﻣﻮﺿﻮﻋﺎت ﻣﺘﻌﻠﻘﺔ


وأعلن النادي الأهلي برئاسة محمود الخطيب، الإثنين، رسميًا التعاقد مع ياسر إبراهيم، مدافع سموحة خلال فترة الانتقالات الشتوية الجارية، وضم المارد الأحمر اللاعب لمدة 4 مواسم ونصف، ووجود ياسر إبراهيم في مقر القلعة الحمراء بالجزيرة، لتقديمه إلى وسائل الإعلام بعد التعاقد معه رسميا، لتدعيم صفوف دفاع الفريق الأحمر، ليكون الصفقة السادسة التي أبرمها الأهلي في يناير.

وقال رئيس الزمالك خلال مداخلة هاتفية، بقناة الحدث اليوم: إن فرج عامر، رئيس نادي سموحة، أخبره بتوسل اللاعب إليه للانضمام  للأهلي، ورد عليه حينها بأنه لا يريد ضمه بعد الآن، مضيفًا: «هو مش ده اللي قال لكريم حسن شحاتة أنا بكره الأهلي».

وتابع: «فيه واحدة ينفع تتجوز واحد وهي مش طايقاه؟ وبعدين إزاي أشتري لاعب بـ33 مليون جنيه، وأنا بايعه بمليون، ده أنا أدخل السجن،  لكن اللي في الأهلي مش بيدخلوا السجن بدليل موضوع الساعات».

وواصل: «لو جبت ياسر إبراهيم بـ 33 مليون جنيه ودفعتله 8 مليون في الموسم، طارق حامد ومحمود علاء وجنش والونش هيولعوا فيا،الصفقة دي هتعمل فتنة في الأهلي».

 وشدد: «سنجد لاعبين يطالبون بمضاعفة رواتبهم وإذا لم يحدث ذلك لن يمرروا الكرة لياسر إبراهيم، إنت كده بتدمر فريقك وعشان كده قررت عدم التعاقد معه».
  
 
التعليقات