رئيس الزمالك يسب عبد الحفيظ.. ويعلق: الأهلي أكبر من الخطيب

تحرير : سعد الدين محمود

٠٨ يناير ٢٠١٩ - ٠١:٥١ ص

 شن رئيس نادي الزمالك، هجومًا ناريًا على سيد عبد الحفيظ، مدير الكرة بالنادي الأهلي، قائلًا: «مش هرد على عيل إسمه سيد، لو انت راجل يا سيد انزل بلدك واعمل فيديو بكرة من الفيوم، مش هتقدر عشان انت إرهابي من بتوع رابعة، وابن عمك اتقتل هناك وأخوك مسجون، لكن انت عارف ان الستات هتضربك بالشباشب».

ﻣﻮﺿﻮﻋﺎت ﻣﺘﻌﻠﻘﺔ


وكان سيد عبد الحفيظ، صرح مساء الاثنين، بأن رئيس نادي الزمالك  يتعمد تقديم كل صفقة يبرمها النادي الأهلي، مشددًا: «نفكر في تقديم شكوى للاتحاد الدولي لكرة القدم، لأن الاتحاد المصري مش هيعمل حاجة».

وقال رئيس النادي الأبيض خلال مداخلة هاتفية، بقناة الحدث اليوم، أن عبد الحفيظ، خلية إخوانية صاحية مش نايمة، وعميل قطري، مش عارف أجهزة الدولة سايبينه يتكلم على الناس». 

وواصل: «لو انت راجل يا خطيب، أنا عضو عامل في ناديك، الأهلي أكبر منك ده نادي عظيم بتاريخه وبطولاته، وانت مش عارف قيمة ناديك، وسايب عيل إرهابي بيقل أدبه على المصريين». 

وتابع موجهًا كلامه لمدير الكرة بالأهلي، «انت بتقول لو أنا طلعت عقود ياسر إبراهيم مع الزمالك هتوقف فترتين قيد، وأنا بقولك انت عيل عبيط عايز تتربى، فين المخابرات وأجهزة الدولة اللي سيباك».

واختتم: «انت عامل زي اللي مأجر واحدة عشان تشتم الناس، أنا عايز أقولك تعرف إن أنا أقسم بالله لو عايز أجيب ياسر إبراهيم و وأبوه وأمه الزمالك، هجيبهم».
 

 

التعليقات