عمرو أديب يسخر من جماهير الأهلي:«عمرنا ما قلنا ارحل» "فيديو"

تحرير : أحمد سعيد

٣٠ نوفمبر ٢٠١٨ - ١١:٢٨ م

سخر الإعلامي عمرو أديب، من سلسلة الهزائم المتتالية التي يعاني منها الفريق الأول لكرة القدم بالنادي الأهلي، بداية من خسارة لقب دوري أبطال إفريقيا على يد الترجي التونسي ثم توديع البطولة العربية وأخيرًا الخسارة أمام المقاولون في مسابقة الدوري المصري الممتاز.

ﻣﻮﺿﻮﻋﺎت ﻣﺘﻌﻠﻘﺔ

وأبدى أديب دهشته عبر برنامجه "الحكاية" عبر قناة mbc masr، مما يتعرض له الأهلي في الفترة الحالية، وأنه غير مستوعب رد فعل جماهير النادي الغاضبة من مجلس إدارة الأهلي ومن سياستهم خلال الفترة الماضية.

وعلق قائلاً:" معقول الأهلي اللي عاوز يفتح نادي تاني يشيل فيه البطولات من كتر ما النادي مش مكفي يشيل كل بطولاته، جمهوره يعمل كده".

وتابع أديب:" أول مرة أشوف الأهلي في المركز الأخير في الدوري وأول مرة أشوف نادي القرن والمبادئ والكم الهائل من التحفيل عليه من جانب السوشيال ميديا على مسيرة الأحمر بهذا الشكل".

وأضاف:" قلبي يقطر دمًا على مايحدث مع الأهلي ولازم النهاردة أقف جنب الأهلي قبل مواجهة بتروجت غدًا لأن ممكن الجراح تتعمق".

وواصل:" معقول جماهير الأهلي تقول لرئيس النادي محمود الخطيب أرحل.. كده بيبو يتقاله كده ده كلام.. هو حصل إيه يعني فيها أيه لو الأهلي هو الأخير في الدوري أو ما أخدش البطولة الإفريقية.. لا أنا عايزكوا تجمدوا كده ولازم يبقى في ثبات انفعالي.. احنا ياما خسرنا و كنا رجالة ووقفنا وقفة رجاله عن الزمالك أتحدث".

وأردف: "ياما ضاعت مننا بطولات وياما اتريقوا علينا بالطول والعرض أيه المشكلة يومين وحشين.. إنما تيجي تتفرج على جمهور الوفاء جمهور المبادئ اتفرج ياعم وتصدق أن ده جمهور النادي الأهلي.. حالة من حالات الغضب من 50 سنة ماشوفتش جمهور الأهلي كده".

ووجه أديب رسالة للنادي الأهلي قائلًا: " يا نادي الأهلي يا نادي القرن يا نادي المبادئ قوم واقف على رجلك كده وربنا معاك وعيب أن رئيس النادي عيان وتعبان ومش قادر يقف على رجله أو مش قادر يبقى موجود في النادي وعامل عملية نهاجمه بالشكل ده.. يا يجي يكمل أو يشوف حد تاني يكمل.. احنا نتغلب على طول و عمرنا ما قولنا أرحل.. إن شاء الله الأهلي يدبر أموره ويجيب قرشين أنا أول مرة أسمع أن الأهلي معهوش فلوس يجيب لاعبين".

 

التعليقات