مرتضى للخطيب: إنت اتكشفت.. وأنا عاذرك لأنك دبلوم صنايع (فيديو)

تحرير :

٢٢ سبتمبر ٢٠١٨ - ٠٢:٠١ ص

واصل مرتضى منصور، رئيس نادي الزمالك، هجومه على اللجنة الأولمبية برئاسة هشام حطب، ومحمود الخطيب، رئيس النادي الأهلي، قائلًا: "أنا هوريكوا انتوا اللي الاتنين، عشان انتوا بتهرجوا والمصحف".

ﻣﻮﺿﻮﻋﺎت ﻣﺘﻌﻠﻘﺔ

وتحدث مرتضى خلال تصريحات للموقع الرسمي لنادي الزمالك، معلقًا: "إنت اتكشفت يا خطيب، وأنا طبعًا عاذرك عشان إنت معاك دبلوم صنايع ، ودخلت معهد التعاون اللي بيدخلوا كل الفاشلين بتوع الكورة اللي مدخلوش كلية، وأنا بعتبرك معاك ثانوية صناعية، وده مش عيب، انت ربنا ادالك موهبة في الكورة وأنا من المعجبين بيك على فكرة".
 
وواصل رئيس القلعة البيضاء، "أحد البرامج على أحد القنوات، يقدمه الحمار والجحش، فرحانين إن اللجنة الأولمبية اعتمدت اللائحة بتاعتهم لازم يفهموا إن اللجنة دي ليس لها اختصاص بالجمعيات العمومية للأندية، بيني وبينكم القانون".
 
واستمر في حديثه: "اللجنة الأولمبية رايحين للجنة الأولمبية الدولية اللي هي متبرأة منهم لأنها تتحدث عن اتحادات، وبتتكلم عن الفساد، وإنت فيه مكالمة بتقول إنك مرتشي يا هشام يا حطب، ما ترد على الكلام اللي انا بقوله ده".
 
وصرح منصور بأن لائحة النادي الأهلي الجديدة بها بنود غريبة مثل وضع مجلس الإدارة سلطته على الإنتخابات داخل النادي، واختيار المستبعدين وفقًا للأهواء، والخطيب عايز يغيظني عشان عجبته فكرة كيد النساء وتعاون مع اللجنة الأولمبية".
 
وتابع: "القصة مش فرد عضلات القصة متعلقة بالقانون، بس أنا عايز دكر بشنب يطلع يقولي ما بتفهمش في القانون، لكن دول عملوا إيه، قالوا شكلنا لجنة وطلع الكلام كله فشنك" 
 
وأعرب منصور عن سعادته، قائلًا: "أنا فرحان لأن الولد هشام حطب رئيس اللجنة الأولمبية مش قادر عليا، معلقًا: "الجمعية العمومية للزمالك أذاعت تسجيل صوتي لمصطفى عبد الخالق وأحمد سليمان اللي هما صحاب هشام حطب وقالوا إنه أخد رشوة من هاني العتال، المفروض يرد عليهم ولا يرد عليا أنا؟".
 

التعليقات