مرتضى يفاجئ الخطيب: سأعرض رسالة مصورة خلال ساعات (فيديو)

تحرير :

٢١ سبتمبر ٢٠١٨ - ١٢:٥٩ ص

 كشف مرتضى منصور، رئيس نادي الزمالك، عن نيته اذاعة رسالة بالصورة لمحمود الخطيب، رئيس النادي الأهلي، في الساعات القليلة المقبلة، حول تعاون رئيس القلعة الحمراء مع هشام حطب، رئيس اللجنة الأولمبية المصرية.

ﻣﻮﺿﻮﻋﺎت ﻣﺘﻌﻠﻘﺔ

وأوضح مرتضى، خلال مداخلة هاتفية، بحلقة الخميس من برنامج "مساء بيراميدز" الذي يقدمه الإعلامي مدحت شلبي، أن ما سيعرضه عبارة عن رسالة للخطيب تؤكد لجوئه لـ"كيد النسا" على حد وصفه في تعاونه مع هشام حطب، إلى جانب الأسلوب الذي يتبعه أحد برامج قناة الأهلي طوال الفترة الماضية. 
 
وتابع: "البرنامج اللي أقصده في قناة الأهلي إسمه أبو ريالة والزبالة، وأنا عامله فقرة في الفيديو للرد عليهم، تحت عنوان (إلى الخطيب لم أبو ريالة والزبالة)".

واستكمل: "لائحة الأهلي الجديدة بها بنود غريبة مثل وضع مجلس الإدارة سلطته على الإنتخابات داخل النادي، واختيار المستبعدين وفقًا للأهواء، والخطيب عايز يغيظني عشان عجبته فكرة كيد النساء وتعاون مع اللجنة الأولمبية".
 
وواصل رئيس القلعة البييضاء هجومه على اللجنة الأولمبية، قائلًا: "القصة مش فرد عضلات القصة متعلقة بالقانون، بس أنا عايز دكر بشنب يطلع يقولي ما بتفهمش في القانون، لكن دول عملوا إيه، قالوا شكلنا لجنة وطلع الكلام كله فشنك" 

وأعرب منصور عن سعادته، قائلًا: "أنا فرحان لأن الولد هشام حطب رئيس اللجنة الأولمبية مش قادر عليا، معلقًا: "الجمعية العمومية للزمالك أذاعت تسجيل صوتي لمصطفى عبد الخالق وأحمد سليمان اللي هما صحاب هشام حطب وقالوا إنه أخد رشوة من هاني العتال، المفروض يرد عليهم ولا يرد عليا أنا؟".
 
واختتم: "اللي بيحصل فوضى وفساد في اللجنة الأولمبية، والجهاز المركزي للمحاسبات عامل تقرير إنك تدخل السجن، وأنا بقولك يا هشام يا حطب، لو إنت راجل دكر ومعاك 28 راجل بتقول عليهم رجالة، قابلوني عند مدحت شلبي، في الوقت اللي تحددوه، أنا بالقانون والدستور واللوائح، وإنتوا بالقانون والدستور واللوائح ولو أنا طلعت غلط هعتذر وأقول أنا أسف، ولو إنتوا غلط ما أشوفش وشكوا تاني، هي مش بلطجة
 

التعليقات