مرتضى منصور يكشف: الخطيب يضع بنود كارثية في لائحة الأهلي (فيديو)

تحرير :

٢٠ سبتمبر ٢٠١٨ - ٠٢:٠٨ ص

 واصل مرتضى منصور، رئيس نادي الزمالك، هجومه على اللجنة الأولمبية، على خلفية أزمة رفض اللجنة اعتماد الجمعية العمومية الأخيرة للقلعة البيضاء، معلقًا: «روح دور على هاني العتال دفعلك رشوة ولا لأ، مالكش دعوة بيا أنا».

ﻣﻮﺿﻮﻋﺎت ﻣﺘﻌﻠﻘﺔ

وسخر مرتضى، خلال مداخلة هاتفية بقناة «الحدث اليوم»، هشام حطب، رئيس اللجنة الأولمبية، قائلًا: «مش إنت اللي روحت لمحمود الخطيب، من غير ما تقرا اللائحة بتاعة الأهلي، اللي مبقاش فيها لجنة أولمبية وجهة إدارية كلهم بقوا طراطير طراطير».

وتابع رئيس القلعة البيضاء: «الخطيب عامل مجلس للانتخابات من الأعضاء بتوعه، هو اللي يفرز الأصوات ويعلن النتيجة، مابقاش فيه قضاة ولا جهة إدارية ولا لجنة أولمبية عشان يغيظوا مرتضى بشغل كيد النسا».
    
وكشف، أن محمود الخطيب، يضع بنود كارثية في لائحة النادي الأهلي الجديدة، وأعضاء الجمعية العمومية لم يقرأوا تلك البنود على الأرجح، وأنا بحذر بصفتي عضو فيها قبل الخطيب نفسه، معلقًا: «إزاي الفوضى اللي بتحصل دي، كل ده عشان تغيظوا مرتضى منصور، طب أنا عايز راجل ييجي يعمل معايا مناظرة في أي حتة، هي فتونة ولا خناقة بلدي عشان نشوف الكلام ده؟».

وانفعل مرتضى منصور: «أنا بوجه الدعوة لعنتر اللي في اللجنة الأولمبية ولو طلعت غلطان وفقًا للدستور والقانون هستقيل وهعتذرلك، إنما شغل البطلجة والفتونة ده لأ، إنت رئيس اتحاد البغال هتتكلم معايا أنا؟ انتوا مين نفسي أعرف؟ أنا اللي منجحكم كلكم». 

ورفضت اللجنة الأوليمبية، اعتماد الجمعية العمومية لنادي الزمالك، والتي أقيمت أواخر الشهر الماضي، مما تسبب في أزمة بين رئيس الزمالك، وهشام حطب رئيس اللجنة الاولمبية.
 

التعليقات