مرتضى منصور يفتح النار على جروس: فين لاعيبتي؟ (فيديو)

تحرير : سعد الدين محمود

١٩ سبتمبر ٢٠١٨ - ٠٢:٢٣ ص

 فتح مرتضى منصور، رئيس مجلس إدارة نادي الزمالك، على السويسري كريستيان جروس، بعد تعادل الفريق الأبيض أمام سموحة، مساء الثلاثاء، كاشفًا عن خصم نصف راتب الجهاز الفني بالكامل، و100 ألف جنيه من كل لاعب.

ﻣﻮﺿﻮﻋﺎت ﻣﺘﻌﻠﻘﺔ

وتعادل الفريق الأول لكرة القدم بنادي الزمالك مع نظيره سموحة بهدف لكل منهما في اللقاء الذي جمع بينهما مساء اليوم على استاد «برج العرب» ضمن منافسات الجولة السابعة من مسابقة الدوري الممتاز، وتقدم الزمالك عن طريق يوسف أوباما في الدقيقة 70 وتعادل حسام حسن لسموحة في الدقيقة 86.

وقال مرتضى، خلال تصريحات تليفزيونية لقناة «الحديث اليوم»، موجهًا حديثه لجروس: «سمعنا كلامك في كل حاجة وقولنا حاضر، وكل اللاعيبة اللي قولت مش عايزهم مكسرين الدنيا في أندية تانية، لكن مش كده إنت مش إله كورة، وأنا هتدخل رسمي».

وواصل  منصور: «أين اللاعبين الذي تعاقدت معهم بمبالغ كبيرة، فين لاعيبتي؟ فين حميد أحداد اللي كان نجم وهداف في بلده، كل اللي بيحصل ده غلط، إنت حرقت دم الزملكاوية، وأنا مش هستنى نخسر نقاط تانية».

 واستمر في حديثه قائلًا: «سيطت الإخوانجي علي ماهر اللي بيقعد يتنطط ده زي البتاع اللي في الجنينة، على حساب الزمالك،  وإنت ياعم حسام حسن فرحان إنك جبت جول فينا، ما إنت كنت هتموت وتيجي الزمالك، والأخ ياسر إبراهيم هو أبو أجبل بيلعبوا بغل قدامنا مش فاهم ليه».
 
وهاجم رئيس القلعة البيضاء، المهندس فرج عامر، رئيس نادي سموحة، قائلًا: «إنت طالع تقولي لاعيبة سموحة كانت زي السكينة في الجبنة مع لاعيبة الزمالك، إيه القرف والمستوى الهابط ده؟ إنت كنت رئيس لجنة الشباب والرياضة؟ إنت عاملي بيان إنك إنت اللي مشيت؟ مش إنت اللي مشيت، إنت لا تصلح لهذا المنصب.

واختتم: «أنا حزين كده من اللي حصل قدام سموحة،  ويبقول للزملكاوية من حقكوا تزعلوا، واللي حصل ده جريمة ارتكبها المدرب، وكنا ممكن نكسب 4 لولا استهتار اللاعيبة، عشان كده هيتخصم من كل لاعب 100 ألف جنيه».

تعادل الزمالك مع سموحة رفع رصيده إلى 14 نقطة إحتل بهم المركز الثاني خلف المتصدر بيراميدز. بينما رفع رصيد سموحة رصيده إلى 10 نقاط احتل بهم المركز السادس بجدول مسابقة الدوري المصري الممتاز.
 

التعليقات