مرتضى منصور للخطيب: «ابعد عن كيد النسا.. الورق اللي يجرحك عندي» (فيديو)

تحرير :

١٠ سبتمبر ٢٠١٨ - ١٢:١٨ ص
 هاجم مرتضى منصور، رئيس نادي الزمالك، مجلس إدارة النادي الأهلي برئاسة محمود الخطيب، معلقًا: «كنت اتمنى أن يبتعد الخطيب عن كيد النسا الذي تقوم به اللجنة الأولمبية برئاسة هشام حطب اللي دخله في لعبة أنا حزين إن الخطيب والأهلي يدخلوا فيها». 

وتحدث مرتضى، خلال مداخلة هاتفية بحلقة الأحد من برنامج «ستاد بيراميدز»، الذي يقدمه الإعلامي مدحت شلبي، مشددًا أن مجلس إدارة القلعة الحمراء برئاسة المهندس محمود طاهر، قام بإجراء جمعية عمومية عام 2016 ورفضتها اللجنة الأولمبية، ثم قام مجلس الخطيب بسحب الشكوى ضد مركز التسوية باللجنة، منفعلًا: «إنت يا خطيب عايز تتخانق مع محمود طاهر تدخل فيلم كيد النسا، عيب إنت كبير أنا لغاية دلوقتي ساكت إنت رئيس النادي الأهلي داخلي في كيد نساء إنت كمان».

وتابع رئيس القلعة البيضاء موجهًا  حديثه للخطيب: «إنت اتنازلت إنت ومجلسك، ومش عايز أقول أكتر من كده وكل الورق اللي يجرحك عندي».

ورفضت اللجنة الأوليمبية  اعتماد الجمعية العمومية لنادي الزمالك، والتي أقيمت قبل أيام مما تسبب في أزمة بين رئيس الزمالك، وهشام حطب رئيس اللجنة الاولمبية.
 
وأتم: «إيه القرف اللي احنا عايشين فيه ده، اللجنة الأوليمبية تكيل بأكثر من مكيال في أزمة بين لائحة الأندية، أنا كل كلامي بالورق والقانون واللوائح»، ساخرًا: :اللجنة الأولمبية أرسلت خطاب رسمي بعدم اعتماد الجمعية العمومية لفارس بتاع الكبدة».
 
 وشدد: «ياريت هشام حطب يخاطب اللجنة الأولمبية الدولية  في الأزمة دي عشان يدخل السجن بالمصايب اللي عنده دي، لأنه لو عمل كده هيبقى بيلعب في أسلاك الكهرباء، واللي بيعمله معايا دلوقتي عمله مع محمود طاهر، وأنا عضو في النادي الأهلي قبل الخطيب بـ100 سنة، وبقوله عيب أن هشام حطب يستخدمه في كيد النسا عشان يوري الناس إن اللجنة الأولمبية ليها سلطات».
 

ﻣﻮﺿﻮﻋﺎت ﻣﺘﻌﻠﻘﺔ

التعليقات