مجدي عبد الغني: «أنا معنديش مانع اتشتم»

تحرير :

٢٩ أغسطس ٢٠١٨ - ٠٢:٣٠ م

نفى مجدي عبد الغني، عضو مجلس إدارة اتحاد الكرة، ورئيس رابطة جمعية اللاعبين المحترفين، إدلاءه بأي تصريحات ضد محمد صلاح، نجم المنتخب الوطني، والمحترف ضمن صفوف فريق ليفربول الإنجليزي، موضحًا، أنه لا توجد أي خلافات بينه وبين اللاعب حتى يهاجمه على مواقع التواصل الاجتماعي.

ﻣﻮﺿﻮﻋﺎت ﻣﺘﻌﻠﻘﺔ

وعقد عبد الغني، مؤتمرًا صحفيًا بمقر اتحاد الكرة، لتوضيح بعض الحقائق، في أزمة محمد صلاح، خاصة فيما يتعلق بحساب خاص على «تويتر» يحمل اسمه، واتصل بعض الأعضاء بعبد الغني خلال الساعات الأخيرة لإقناعه بالتراجع عن إقامة المؤتمر الصحفى، إلا أن البلدوزر رفض تنفيذ الطلب.

وقال عبد الغني: «علاقتي بمحمد صلاح ممتازة وهو زي ابني ومينفعش اكتب عنه كلام وحش في تويتر.. أنا بستدعيه ييجي يلعب ماتش مع المنتخب.. لازم اتحاد الكرة يحرص على أنه يظهر الحقيقة.. الحق بياخد حقه ببطء لكن الباطل بيمشي زي السكينة في الجاتوه.. والصفحة الرسمية الوحيدة بتاعتي على فيسبوك». مضيفًا: «إحنا بندعم صلاح دايمًا، ولكن في سوء تفاهم مع مدير أعماله.. أنا روحت لصلاح مباراة في الموسم اللي فات أمام مع ستوك سيتي وكان حريص يقابلني».

وأكمل عضو الجبلاية: «معنديش مانع اتشتم على موقف أو رأي لكن اتشتم على حاجة خيالية مش حقيقية زي صفحة تويتر مينفعش»، متابعًا: «كنت أتمنى قاعة المؤتمرات تبقى مليانة واتحاد الكرة يساعدني في إظهار الحقائق، لكن إحنا للأسف شغالين بشكل فردي مش جماعي، في موظفين في الإعلام المفروض يخترقوا الصفحات دي أو يكون في أي حل.. واستغربت لما أحمد مجاهد عمل المؤتمر يوم الإثنين متكلمتش في القصة دي».

وأردف: «أنا أكبر اسم في الكورة في مصر كلها، وأنا معجب بصلاح لأنه حفر في الصخر زييَ.. اسمي كبير ودي مضايقة ناس وعملت المؤتمر النهاردة علشان ادافع عن اسمي لأن محدش بيدافع عني زي مانجحت في انتخابات اتحاد الكرة بدراعي.. ليه أنا دايما بتصدر المشهد في الأزمات».

وعن أزمة صلاح، قال عبد الغني: «مقولتش أن محمد صلاح بيختار لاعيبة في المنتخب لكن قولت بيتاخد رايه ودة طبيعي زي كل النجوم الكبار، وأنا جالي مايكل سميث مدرب المنتخب في 86 قالي انت بتحب تلعب جمب مين في نص الملعب.. ده طبيعي».

واختتم: «لازم نعمل حاجة احترافية في اتحاد الكرة توضح الحقائق للناس وتدافع عننا وعرض الجوانب الإيجابية في الاتحاد وليس لعرض السلبيات فقط».

التعليقات