مرتضى ينفعل على الهواء بسبب ممدوح عباس: «فوقي يابلد» (فيديو)

تحرير : سعد الدين محمود

١٤ أغسطس ٢٠١٨ - ٠١:٢٨ ص

 انفعل مرتضى منصور، رئيس نادي الزمالك، تعليقًا على اتهامه باهدار المال العام، والبلاغات التي قدمها ممدوح عباس رئيس النادي الأبيض السابق قائلًا: «أنا أضريت بأموال ممدوح عباس اللي أهدر مليار جنيه؟ يا نهار أسود إزاي، فوقوا بقى إحنا مش هنسكت شوفوا مين اللي عامل الترتيبات دي عشان مين، إحنا مش حرامية، أنا استملت الزمالك مديون بـ 306 مليون جنيه، دلوقتي فيه فائض أكتر من 230 مليون، غير اللاعيبة اللي اشتريناهم والمدرب والنادي الاجتماعي والنهري والفرق المختلفة، أنا أضريت بأموال ممدوح عباس؟ إيه التهمة الجميلة الجديدة دي».

ﻣﻮﺿﻮﻋﺎت ﻣﺘﻌﻠﻘﺔ

 مرتضى أدلى بتصريحات نارية، خلال مداخلة هاتفية مساء الاثنين، ببرنامج «ملعب الزمالك» المذاع على قناة الحدث اليوم، قائلًا: «مش بنخاف وهنتكلم وهنذيع المكالمات على الهواء عشان مصر تعرف مين بيلفق اتهامات لمين، دي فضيحة يا جماعة، يا نهار اسود على القانون، لأ يا بلد فوقي، ممدوح عباس اللي أهدر مليار ماحدش جه جنبه، في إيه؟ الزمالك ليه جماهير بالملايين ومش هتتحمل اللي بيحصل ده، مش هنسكت وإحبسونا كلنا، مجلس مرتضى منصور شريف وعنده فائض في الميزانية 230 مليون جنيه، جاي تتكلم معاه إزاي؟».
 
واستمر في حديثه: «إيه المرمطة اللي إحنا فيها دي، إحنا عايشين في رعب كلنا، من فضلك يا وزير العدل، عايزين مستشار تحقيق محايد، ولو لقى حد غلطان يقطع رقبته، لكن إحنا مش جايين نتبهدل عشان ممدوح عباس بيحرك الأمور بالريموت كونترول، لو كنت سيبت الفلوس في البنك وجه ممدوح عباس حجز عليها وخدها، كانوا هيقولوا سيبتهاله ليه؟».
 
ووجه رئيس القلعة البيضاء، سؤاله لنيابة الأموال العامة قائلًا: «هو حضرتك فين من بلاغنا اللي ضد ممدوح عباس اللي أهدر مليار جنيه؟ أنا بتكلم ع المكشوف قدام مصر كلها، فين البلاغ ده يا أفندم؟ وجاي تقولي أضريت بأموال ممدوح عباس».
 
 

التعليقات