خناقة نارية بين متحدث الأهلي وضيوف الغندور: "ماتيجي تدير النادي أحسن" (فيديو)

تحرير :

٠٧ فبراير ٢٠١٨ - ٠٤:٥٣ ص
دخل شريف فؤاد، المتحدث الرسمي باسم النادي الأهلي، في خناقة على الهواء، مع الناقد الرياضي أحمد عويس، تعليقًا على انتنقادات الأخير لقرارات مجلس إدارة القلعة الحمراء.
 
وقال "فؤاد"، خلال مداخلة هاتفية، ببرنامج "الغندور والجمهور" الذي يعرض على قناة LTC،  إن عويس استعان بمعلومات مغلوطة في حديثه، و لا ينتقد بموضوعية، معلقًا: "الناقد لا ينصب نفسه مسؤولًا داخل النادي الأهلي الذي متد تاريخه منذ 110 عامًا".
 
ومن جانبه رد عويس: "هو عشان أنا بنتقد الكابتن محمود الخطيب بقيت الناقد الرياضي دلوقتي، وحضرتك ما تعرفش إني كنت من اهم وأقوى الداعمين للخطيب في الانتخابات الأخيرة، وإنت مش هتدخل تعلمني اتكلم إزاى:.
 
وتابع: "مش هيدخل  الأستاذ شريف فؤاد اللي ظهر إمبارح في النادي الأهلي،  ويقولي الأهلي ومش الأهلي".
 
 ورد متحدث النادي الأحمر: "أنا إين النادي الأهلي، وبشتغل في الإعلام بقالي أكتر من ربع قرن، وأفهم جيدًا مسؤولية تمثيل مجلس إدارة النادي العريق، ومساندتك للخطيب أمر يخصك، وليس من حق أى منا االهجوم على شخص".
 
وبدوره، علق الناقد الرياضي محمد الشرقاوي:قائلًا "إنت بتكلم نقاد رياضيين كبار  وعارفين بيقولوا إيه، ومن حقنا انتقاد أشخاص وأفعال، دون إهانة أحد"،.
 
وعاد فؤاد للرد قائلًا: "مش من حقك تنتقد شخص، ويبدو إنك محتاج تراجع قواعد العمل الإعلامي"، ليعلق الشرقاوي: "محدش هيعلمنا قواعد العمل الإعلامي".
 
وانفعل فؤاد في نهاية المداخلة، قائلًا: "ايا أستاذ أحمد للي إيده في المياه مش زى اللي إيده في النار، ما حضرتك تتفضل تدير النادي الأهلي، دي حاجة غريبة جدًا، دي مصادرة على النادي وطريقة إدارته وفي حق الرد، غنتوا فاهمين غلط، الكبير ما بيقولش على نفسه كبير".
 
وقابل محمد الشرقاوي انفعال متحدث القلعة الحمراء قائلًا: "ما تنفعلش علينا يا أستاذ شريف، مش هتعلمنا شغلنا، إحنا نقاد رياضيين ولازم نتكلم، إنت مين إنت".
 

ﻣﻮﺿﻮﻋﺎت ﻣﺘﻌﻠﻘﺔ

التعليقات