مرتضي منصور لــ محمود طاهر «خليك دكر ومتلعبش»

تحرير :

٠٩ مارس ٢٠١٧ - ٠٩:١٥ م

 شن مرتضى منصور، رئيس نادي الزمالك هجومًا قاسيًا على الإعلامي مدحت شلبي، وذلك خلال المؤتمر الصحفي المنعقد حاليًا بمقر الفارس الأبيض، بميت عقبة. وقال رئيس الزمالك "أقول للإعلام الفاسد، مدحت شلبي أنت جئت بلاعب حلفته بالقرأن والإنجيل والطلاق، اشمعنى ده مجبتوش تحلفه ولا أنت بمزاجك تحلفه وبمزاجك متحلفوش، وبقالك كام حلقة بتدافع". 

ﻣﻮﺿﻮﻋﺎت ﻣﺘﻌﻠﻘﺔ

 
وأضاف مرتضى "هنروح للاتحاد الدولي علشان حازم الهواري وأمثاله يتربوا، ومش هننسى كلمته طول ما أنا هنا الزمالك مش هياخد دوري وأنا بقول طول ما أنا على قيد الحياة مش هتقعد في اتحاد الكرة". 
 
وتابع "أنا مبدفعش 150 ولا 200 مليون جنيه عشان حتة صفيحة مع احترامي ليها، لا أنا عايز أخد دوري علشان 10 مليون وافريقيا 2.5 مليون دولار، ومونديال كأس العالم للأندية 5 مليون دولار، إنما اخسر كل ده علشان جهاد جريشة عنده لحمية؟".
 
وأستكمل مرتضى قائلا "لو جهاد عنده ضمير ومشافش الكورة كان راح سأل الحكم زي ما حكم برشلونة عمل أمس". 
 
وأضاف رئيس الفارس الأبيض "في نادي لعب بـ 4 لاعيبة أجانب في الموسم، واللائحة تقول 3 بس، شغل الاستهبال ده مش عندي، وكيف بدأت مسابقة بدون استبدال وعملت استبدال، الأهلي مش طرف ولكنه أقحم نفسه. 
 
أنا فوجئت ببيان الأهلي أنه مش هيلعب غير بعد مؤجلات الزمالك وده حاجة تخص الزمالك فهو أقحم نفسه وأنا لما قولت مش هلعب الدنيا ولعت". 
 
وأردف مرتضى قائلآ "وبقول لمحمود طاهر أنت دكر علشان بتدافع عن حقوق ناديك، وأكيد مش هترجع في كلامك أوعي تلعب، قبل ما ألعب المؤجلات وأنا مش هلعب المؤجلات وأوعى ترجع في كلامك، وأؤكد مرة ثانية الأهلي مش طرف ولا يحتاج إلى الحكام".
التعليقات