أعلنت رنيم الوليلى بطلة مصر والعالم فى الاسكواش اعتزالها المفاجئ ظهر اليوم الخميس، حيث نشرت عبر حسابها
على موقع انستجرام منشور مطول أكدت فيه اتخاذها قرار الاعتزال بشكل نهائى بعد رحلة جميلة مع اللعبة توجت خلالها بالعديد من البطولات الكبيرة، وربما تكون المرحلة المقبلة هى مرحلة التركيز مع أسرتها الصغيرة.
ونشرت رنيم الوليلي عبر حسابها على موقع انستجرام قائلة : " أعزائى أسرة الإسكواش،،
فى الكام سنة اللي فاتوا ممكن أكون كتبت الكلمات دى فى دماغى يمكن ألف مرة. الاسكواش
كان حياتى طوال 25 سنة ودلوقتى جاء الوقت اللى أبدأ فيه
صفحة جديدة.
وأضافت : "كانت رحلة جميلة وعمرى ما تخيلت إنها تاخدنى بعيد كده.
كنت محظوظة جداً إنى على مر السنين عاصرت أجيال كتير، منهم أساطير فى مصر والعالم،
إتعلمت منهم حاجات كتيرة أوى، وسعيدة إنى شاركت فى فترة من أجمل فترات اللعبة". واختتمت:"مش مخططة لأى حاجة فى الفترة الجاية، لكن الظاهر إنى حركز شوية مع أسرتى
الصغيرة، وأتمنى إنى أكون قادرة على مواجهة تحديات الحياة القادمة. ممكن أكون بودع منافسات الاسكواش، بس أكيد مش بودع ذكرياته، وصداقاته،
وعلاقاته، وأيامه الحلوة، بما فيها النهارده، ..شكرا".