بسبب بطل الدورى.. أحمد شوبير يناقض نفسه

شوبير

تحرير :

٠٤ يونيو ٢٠٢٠ - ١١:٢٤ ص
طالب الإعلامى أحمد شوبير، بضرورة منح الفرصة للجنة الخماسية للعمل داخل اتحاد الكرة بشكل جيد ودون تدخل في قراراتها، وعلق قائلاً: "الناس دلوقتى شاغلة نفسها باللجنة الخماسية ليه ماتسيبوهم يشتغلوا، الناس معترضة على محمد فضل دلوقتى ليه وبيقولوا إحنا اللى دخلناه اتحاد الكرة، طب وفيها أيه ماهو مشروع حاجة إدارية جيدة جدا، القصة أن لازم يكون فى نظام يطبق على الكبير والصغير".
وجه شوبير سؤالاً للأندية التى تطالب بإلغاء بطولة الدورى هذا الموسم عبر برنامجه "مع شوبير" عبر إذاعة أون سبورت، قائلا، "إزاى فى أندية عايزة تلغى الدورى وموافقة تكمل بطولة كأس مصر، بأى منطق نقول خايفين نكمل بطولة الدورى عشان كورونا بس موافقين نكمل بطولة الكأس".
وأضاف شوبير ساخراً، "حاسس إنهم عايزين يكملوا بطولة الكأس على الطريقة الألمانية إنما الدورى مينفعش ".
وتابع حارس مرمى الأهلى السابق، "مش فارق معايا مين يفوز بالدورى، الأهم يكون فى نظام نسير وفقه، لجنة المسابقات مظلومة دايماً فى كل عهود اتحاد الكرة، ولو كنا بنلعب بدون تأجيلات كان دلوقتى أمامنا عدد قليل من المباريات وليس دور ثانى بالكامل يتطلب وقتا طويلا لإقامة مبارياته ".
التعليقات