رضا عبد العال يهدد مرتضى منصور بكشف فضائح الزمالك

رضا عبد العال

تحرير :

٢٧ فبراير ٢٠٢٠ - ٠١:٤١ م

هدد رضا عبد العال نجم الأهلي والزمالك السابق، رئيس القلعة البيضاء مرتضى منصور، بكشف الفضائح التي تحدث داخل جدران النادي الأبيض في حالة استمرار هجومه عليه، علمًا بأن مرتضى منصور سخر من رضا عبد العال وتوقعاته، بعد أن توقع أن مباراة السوبر الإفريقي ستكون صعبة على أبناء ميت عقبة أمام الترجي ولكن الفريق التونسي خسر اللقب لصالح الزمالك.

وقال نجم الأهلي والزمالك السابق في تصريحات تلفزيونية عبر قناة :TEN "الناس بتقول ان توقعاتي غلط في ماتش السوبر الإفريقي وانا أصلا متوقعتش النتيجة، وفوجئت برئيس الزمالك طالع يقول عليا رضا عبد المعطي وإنه ناسي إسمي".

وأضاف رضا عبد العال: "مينفعش الكلام ده، هو إنت علشان خاطر ابنك هتطفش الناس كلها؟، بتقارن أمير بيا إزاي وبتقول أمير اللي مش عاجبك جاب بطولتين، هو أمير اللي صد ضربة جزاء أو سجل جول بن شرقي مثلًا؟".

وأستكمل نجم الأهلي والزمالك السابق: "إنت جيت على اللعيبة اللي شالت الطين في الماتشين، والجماهير أصحاب الفضل في الفوز باللقبين لمجاملة أمير، أمير معملش حاجة واللعيبة أصلًا مش طيقاه، لكن أحمد اللعيبة بتحبه وعارفين إنه راجل وجدع معاهم".

وأتم رضا عبد العال: "هتقول رضا عبد المعطي تاني هقولك حاجة تانية، أنا ليا تاريخ أكبر من أي حد في نادي الزمالك، هتتريق عليا هتريق عليك، أنا مبخفش من حد غير ربنا، هتخليني هقول على الفضائح الي جوة النادي أنا بقولك أهو".

التعليقات