رانيا علواني للجماهير: «حاسبوا اللي بيختار المدرب»

تحرير : أحمد سعيد

٣١ أغسطس ٢٠١٩ - ٠٩:٠٩ م

واصلت رانيا علواني، عضوة مجلس إدارة النادي الأهلي، مناقشاتها الساخنة مع جماهير المارد الأحمر، على موقع التواصل الاجتماعي "توتير"، عندما قالت: "حد تاني واخد باله إن رياضتنا وأبطالنا السنة دي زي الفل في كل اللعبات، إلا الكورة، هما دول اللي يستاهلوا بجد عاش أبطال مصر.. الأمر تطور بين عضو مجلس الأهلي والجماهير، وبدأت بعض الجماهر في توجيه اللوم لمجلس إدارة النادي وحملوهم سوء اختيار المدرب للسويسري رينيه فايلر المدير الفني الجديد لفريق الكرة الأول بالنادي. ردود رانيا علواني استفزت جماهير الأهلي بعد أن كان ردها: "هو حضرتك ما أخدتش الدوري؟".

ليرد أحد المشجعين عليها قائلا: "كلام غير منطقي.. جمب الدوري خرجنا من الكأس وإفريقيا مرتين بفضيحة ماحصلتش في التاريخ وجبتوا كارتيرون فشل ولاسارتي فشل وحقنا ضاع محليا وإفريقيا، السنة دي آخر فرصة للإدارة، كفاية اللي بيتقال على قناه الأهلي كنا عايزين مدرب انتر ومدرب البرازيل وافقنا على شروطهم والظروف جابت فايلر".

لترد علواني قائلة: "والله حضرتك روح اطلب من كابتن الخطيب بنفسك، هو شخصيًّا ولجنة الكورة اللي بيختاروا المدربين لأن دي حاجة فنية، المدرب ده واللي قبله واللي قبله!".
واختتمت: "احنا ما اختارناش، اللي اختار لجنة كلكم عارفينها، حاسبوها هي على اللي فات واللي جاي، مش هتيجوا على اللي هايرد عليكم بأدب".

التعليقات