الجنايني: «إحنا مش سحرة.. ومتحملين ضغوط فوق طاقة البشر»

عمرو الجنايني

تحرير :

٢٤ أغسطس ٢٠١٩ - ٠٤:٠٣ م
قال عمرو الجنايني، رئيس اتحاد الكرة المؤقت، إنه يتشرف بوجوده على الجبلاية مع زملاؤه في مرحلة حساسة جدا من تاريخ الكرة المصرية، مضيفًا أنه لن يأتي أحد سيأتي بعصا سحرية.

وواصل الجنايني: "لا يخفى على أحد حزن الجميع من خروجنا من كأس الأمم 2019، محدش هييجي بعصا سحرية، كل اللي إحنا نقدر نعمله أننا نطبق نظام وعلم واجتهاد والتزام، ولو كل واحد عمل اللي بيعمله، كما ينبغي أن يكون هنبقى في حتة تانية، وهننجح في مهمتنا".

وأردف رئيس اتحاد الكرة المؤقت: "الموقف مش صعب أوي في اتحاد الكرة، سهل جدا لو اشتغلنا صح وكل واحد بقى ليه دور، والنتيجة هتكون نجاح مفيش حد فينا عرف الفشل في يوم، ومش هنألف إحنا مش سحرة، وهنشوف الناجحين اللي قبلنا عملوا ايه وهنعمل زيهم".

واستكمل: "سنطبق اللوائح على أي شخص ودي حاجة متزعلش، وبقول للإعلام معندناش حل غير إننا ندعم بعض، ومش هنظلم حد، وأنا اشتغلت 33 سنة معرفتش كلمة فشل، وهنشتغل واحنا متحملين ضغوط فوق طاقة البشر".

وتابع: "لائحة النظام الاساسي محتاجة جهد وشغل من نار علشان نشتغل عليها ونطورها، واحنا اتأخرنا أوي في الموضوع ده والـ9 سنين اللي فاتت شهدت تطور كبير جدا في اللوائح".

وأتم الجنايني: "الناس دي لا نازلة انتخابات ولا عاوزة تخش انتخابات ولا تدخل في أي صدام مع أي طرف، إحنا جايين نتحمل المسؤولية لمدة معينة بمهام واضحة ونسلم الراية بعد كده للمجلس الجديد، والناس دي مش عاوزة حاجة خالص، إحنا بنعتبر نفسنا كوماندوز لانقاذ الاتحاد".
التعليقات